Ier mer op di zweet Woch vun de Fouillën kucken wollt ech nach ebessi Reklamm fir eis Rees "op de Spure vum Hl. Pirmin" machen

Duerch eng Ofso hu mer lo rëm een Duebelzëmmer fräi

bei Intressi esouséier wi méiglich umelden...

All Informatiounen op eiser Homepage

oder iwwer stpirminkaundorf@gmail.com

Moundig 22. Juli

No der éischter, dach zimmlech hektischer awer flotter Woch, wärt des Woch awer ganz bestëmmt mi rouig viru goen.

Kuckt mol wi fridlich an schéin eis de Përmeshaff um Moundigmoien empfangen huet. – Dat gëtt ganz bestëmmt eng gemittlich Woch – ma sécher !!!!!!!

Op dat alt esou wärt klappen. An de Kelleren geet eis Uerbicht matt vill Energie  weider. D’Amelie suericht fir dat néidegt Material fir den Leematelier, an den Änder ass schon deck um opbauen vun de Maueren laanscht d‘ Stuff.    

Och baussen laanscht d‘Kichen sinn se amgaang matt buddelen. 

Den Thermometer klëmmt ëmmer mi héich, souguer d‘ Eidechsen flüchten an de Schied.

Och eis Schafferten brauchen no der Mëttespaus eng kleng Ofkillung, ok ass geneemigt, aaawer néck an d‘Quell déi muss propper bleiwen, - dat hu schonn d‘Réimer sou gehalen an mer së jo keng Barbaren. Dann halt mam Freischneider e Paad durch d’Pampa an dann -  plitsch, platsch an d‘Schliirbaach - daat deet gutt.

Daschdig den 23. Juli

D‘Lächer an de Kelleren in ëmmer mi grouss an mi déif. Et muss dringend fir Sëcherheet gesuerecht ginn. Wann d‘Inspektion de travaille ging luusen kommen, oohoo , dann gute Nacht Freunde…….

Ah jo, eng ordentlich Entreprise brauch op allefall och en tip tope Büro plus Personal an eng kompetent Opsiicht.

An dann reent et och mol erem, wii matt Eemeren... no enger halwer Stonn ass "Land unter" ënnen an der ënneschter Keier nom Parking

Mëttwoch de 24. Juli

Wien schafft dann hocktdësdach nach matt der Schëpp an der Pioche?  Ma neen hockt kënt de Bagger waat daat fluppt. Do geet ët vun Plaaz

Oho, dat do ass ewer keen Bagger – nee, nee dat ass de Jemp matt sengen Detektor vill mi delikat Geschiir. Hien huet Ausdauer, scho 5 Joer sicht hien no enger Sensatioun dat ass eng laang Zäit....

Dialog vun eisem WhatsApp Grupp "Përmeshaff Schafferten" vum Mëttwoch den 24.Juli 2024

<<09h26 A.K. de Jemp huet eng réimisch Mënz font !

09h28 C.K. Wou ????

09h28. J.N. Neen, Du mechs de Geck !

09h35 A.K. Hun ech schon eemol matt iech de Geck gemeet?

09h42 A.K. zu C.K. zu Knaphouschent, Ha ha.

09h44 A.K. dach hei ass se 

09h48 C.K. An vun weini ?

09h49 M.T. Ech glewen daat neck.>>

Awer do louch ech falsch... Et war richtig, den Jemp huet um Përmeshaff en Réimisch Mënz fond.

Also : et ass een “As” aus Koffer, gepräägt 210-213 n.Ch. ënner dem Antonius den III och Caracalla genannt *198 /+217n.Ch.

Kapp matt Lorbeerkranz.  Op der anner Seit steet d‘Providentia matt Staf an Zepter virdrun eng (Ärd)Kurel. 

An deen Font passt just an déi  Nooriichten aus dem Buch vum J. Weicherding vun 1875. Do steet: “Zwei Münzen aus Broze aus Grabungen 1835 ein Antonius Pius reg.138-161 und ein Caracalla reg.211-217." Lo ass et ganz kloor datt d‘Réimer um Përmesknupp waren an sinn.

Esou een Font mobiliseiert riesen Kräften, -keen Steen ass ze deck fir aus dem Keller eraus befördert ze ginn.

Donneschdig 25. a Fregdig 26. Juli

Lo gëtt ët awer Zeit dass mer matt der grousser Botz ufänken, e Moundig erwaarden mer héijen Besuch...

Um Freidig Owend ass Alles perfekt. De Pirmin huet och nach e RV. de Nowend. Et ass eng Härzensungelegenheet, mer wëllen do néck stéieren

Samschdig 27. Juli

E klengen Tour iwer den Haff : Hei e puer schéin interessant a geheimnisvoll Steng.

De Pirmin dreemt dem Sonndig engéint.

Dat war di zweet Woch... Fortsetzung kënnt...

Les Amis de Saint Pirmin - Përmesfrënn Kaundorf asbl

​

stpirminkaundorf@gmail.com

www.stpirminkaundorf.lu

Vertretungsberechtigte*r Geschäftsführer*in: Vereinsvorstand

​

RCS Registernummer: F6601

Registergericht: Handelsregister Luxemburg

​